પ્રતિભાવો ઉર્ફે Comments

Wednesday, February 03, 2016

ફેસબુક : ફન, ફંડાઝ અને ફેક્ટ્સ (જાન્યુઆરી – 2016)

(જાન્યુઆરી – 2016)

સોશિયલ નેટવર્કિંગ સાઇટ પર જે કંઈ લખાય તેના અસ્તિત્વનું માપ સેકન્ડ – મિનિટોથી શરૂ કરીને થોડા કલાકો સુધી લંબાવી શકાય. પછી?...પછી એને ભૂલી જવાનું. આદર્શ વસ્તુસ્થિતિ એને ભૂલી જવામાં જ છે. પરંતુ અહીં બ્લોગની દિવાલ પર તેને કોપી-પેસ્ટ કરવા પાછળના બે આશય છે.
એક તે એનું અસ્તિત્વ થોડા મહિના-માસ લંબાવવાનું અને બીજો તે જેઓ સોશિયલ નેટવર્કિંગ જગતમાં દાખલ નથી થયા અથવા દાખલ થયા પછી દૂર થયા છે તેમના સુધી પહોંચવાનો.
આ રીતે દર મહિને Control ‘A’ – Control ‘C’ – Control ‘V’ની મદદથી રજૂ થવાના વિચારને 2012માં અમલમાં મૂક્યા પછી તેને નિયમિત કરતાં એ ક્રમમાં આ 63મી પોસ્ટ છે.
2010ના વર્ષની એક અને 2011થી 2015ના પાંચ વર્ષની મહિનાવાર સ્ટેટસ પ્રોફાઇલ પોસ્ટ રજૂ કર્યા પછી પ્રસ્તુત છે હવે જાન્યુઆરી – 2016. જે તે દિવસના વાર, તારીખ અને સમયના ઉલ્લેખ નીચે એ દિવસનું સ્ટેટસ અપડેટ છે.ફેસબુક’ / FACEBOOK પર આવા દરેક સ્ટેટસ અપડેટ સાથે મારું નામ અને કૌંસમાં ગામનું નામ અમદાવાદ’ / Ahmedabad એમ લખતો હોઉં છું પરંતુ અહીં એમ કરવું જરૂરી નથી લાગતું. હા, ડમડમબાબા એ બ્લોગલેખકના અસ્તિત્વનો જ એક ભાગ છે.
આભાર.

(Monday, 4 January 2016 at 04:21pm)
ખીચુખમણ અને કોકોકોલાની ફોર્મ્યૂલા કોઇને ખબર નથી...કારણ કે...
છે જ નહીં.
* * * * * * *
દિલ્હીની ઑડ – ઇવન ફોર્મ્યૂલા

(
Tuesday, 12 January 2016 at 01:30pm)
જાહેર રસ્તા પર વાહન ચલાવવા માટે ઑડ ઇવન નંબર અને તારીખનો અમલ કરતા મહિનામા જો પંદર જ દિવસ વાહન ચલાવવાનું હોય તો...
...વીમા કંપનીઓ વાહનના વીમા પર પચ્ચા ટકા રાહત આપશે?
લિ. કોઈ પણ પ્રકારના રાહત પૅકેજનો ફેન
* * * * * * *

(
Wednesday, 13 January 2016 at 12:34pm)
ટ્રાફિકની સમસ્યાનો ઉકેલ બજાજ સ્કૂટરનું ઉત્પાદન પુનઃ શરૂ કરવામાં છૂપાયેલો છે.
1990ની આસપાસના કોઈ વર્ષમાં પ્રદૂષણ નિયમન માટે કેન્દ્ર સરકાર દ્વારા ટુ-સ્ટ્રોક એન્જિનના ઉત્પાદન પર પ્રતિબંધ મુકાવા સાથેના થોડા વર્ષોમાં બજાજ સ્કૂટરનો મૃત્યુઘંટ વાગી ગયો.
લગિજ્ બૉક્સની સુવિધા ધરાવતું બજાજ સ્કૂટર ફરીથી માર્કિટમાં આવે તો નાના ઓજારો સાથે કામ કરતા કારીગર વર્ગનીઑફિસ બેગ લેપટોપ ટિફિન બૉક્સ અને હેલ્મિટ સાથે ફરતા નોકરિયાત વર્ગનીફાઇલના ઢગલા સાથે કામ પાર પાડતા વકીલ ચાર્ટર્ડ અકાઉન્ટન્ટ તેમજ મહદ્અંશે ડૉક્ટર જેવા વ્યવસાયી વર્ગની સગવડ પણ સચવાય તેમ છે.
આમ થાય તો માત્ર મોટા શહેરો જ નહીંનાના-મોટા નગરો અને ગામડાં સુધી વકરી ગયેલી ટ્રાફિકની સમસ્યાનો અંત તો નહીં આવેહળવી જરૂર થશે.
* * * * * * *

(
ઉત્તરાયણ : Thursday, 14 January 2016 at 01:11pm)
ઉત્તરાયણના દિવસે ઇચ્છિત વ્યક્તિનો મોબાઇલ સંપર્ક ન થાય તો સમજવું કે તેઓ અગાસીને બદલે ભોંયરામાં કે બંકરમાં હશે.
* * * * * * *

(
Saturday, 16 January 2016 at 12:00 Noon)
ઘણા લોકો હિસાબના એવા પાક્કા હોય કે ફાટી ગયેલા પતંગોને પણ પસ્તીમાં ખપાવવાનો પ્રયત્ન કરે.
* * * * * * *
પરવીન દુસાન્જ – કબીર બેદી : જોડી નંબર ચાર

(
Tuesday, 19 January 2016 at 06:30pm)
પરવીન દુસાન્જને ચોથી વારની પત્ની બનાવ્યા પછી કબીર બેદી કમ-સે-કમ લગ્નની બાબતમાં સ્વર્ગસ્થ કિશોરકુમારની સમકક્ષ થઈ ગયા છે...
અભિનય અને ગાયકીની બાબતમાં સમકક્ષ બનવાનું પેન્ડિંગછે.
* * * * * * *

(Thursday, 21 January 2016 at 01:11pm)
સાહેબ...સ્ટાર્ટ-અપ કરવું છે.
કયા ક્ષેત્રમાં કરવા માગો છો?”
તમે આર્થિક રોકાણ માટે જે ઊંચો લક્ષ્યાંક રાખ્યો છે તેને સિધ્ધ કરવા ચલણી નોટોનું પ્રિન્ટિંગ પ્રેસ શરૂ કરવાનો પ્રામાણિક ઇરાદો છે. આશિર્વાદ આપો.
ફતેહ કરો. આમેય બૅન્કો લોન આપવામાં પહોંચી નહીં વળે.
ડમડમબાબા ડાયલૉગ સિરીઝ.....
* * * * * * *

(
Friday, 22 January 2016 at 08:00pm)
કેટલાક લોકો ખાય ત્યારે અને બોલે ત્યારે...
એમ બન્ને ટાઇમ વટાણા વેરે છે.
* * * * * * *

(
Saturday, 23 January 2016 at 05:55pm)
સંગીત શીખો શ્રેણી...(1)
રાગ યમન વગાડતી વખતે સિતાર અથવા ચહેરો યમન દેશ તરફ રાખવો.
સિતાર માટે વપરાતો વધુ સારો શબ્દ = ‘તંબૂરો
* * * * * * *
પાંચ રૂપિયાની પડીકી હાટુ...

(
Monday, 25 January 2016 at 06:50pm)
વ્યસન મુક્તિ મહાકુંભ (26 જાન્યુઆરી 2016જીએમડીસી ગ્રાઉન્ડ જગ્યાની માલિકી ગુજરાત યુનિવર્સિટીનીઅમદાવાદ)ની આયોજક સંસ્થા ક્ષત્રિય ઠાકોર સેનાએ કાર્યક્રમ સ્થળે વૈદિક મંત્રોચ્ચાર સાથે બે વાર હવન કરાવ્યું. સ્થળ શુધ્ધિના ઉદ્દેશથી મંચનું નિર્માણ વાસ્તુ શાસ્ત્ર પ્રમાણે કરાવ્યું.
ખાતરી રાખો...અનામત તો બચતા બચશે. આ ઉપર લખ્યા છે એ ડિંડકથી સમાજને કોણ બચાવશે?
* * * * * * *

(
Tuesday, 26 January 2016 at 06:30pm)
પાંચ રૂપિયાની પડીકીનું વ્યસન છોડાવવા હાટુ અલ્પેશભાઈએ અબજો રૂપિયાનો ધુમાડો કરી લાખ્યો.
(વ્યસન મુક્તિ મહાકુંભ : 26 જાન્યુઆરી 2016, જીએમડીસી ગ્રાઉન્ડ જગ્યાની માલિકી ગુજરાત યુનિવર્સિટીની, અમદાવાદ / આયોજક : ક્ષત્રિય ઠાકોર સેના)
* * * * * * *

(
Wednesday, 27 January 2016 at 11:11am)
એકથી બીજા મોબાઇલ ઇન્સ્ટ્રુમન્ટ્માં કૉન્ટૅક્ટ નંબરો કે ડેટાનું કૉપિ પેસ્ટ કરી આપતો જણ દુકાનની બહાર તો એમ જ કહેતો ફરતો હોય છે કે...
હું એક્સપૉર્ટ ઇમ્પોર્ટનું કરું છું.
* * * * * * *

(
Thursday, 28 January 2016 at 06:00pm)
છઠ્ઠુંપગાર પંચ મેળવતા ન્યાયાધીશની અદાલતમાં ન્યાય માગવા જતા અસીલ પાસેથી વકીલ પાંચઆંકડામાં ફી વસૂલે છે ત્યારે થાય છે એવું કે...
કેસના પ્રારંભે ચારપૈડાંની ગાડીમાં ફરતો અસીલ કેસ પૂરો થયે બેપૈડાંની સાઇકલ પર અને...
ત્રણપૈડાંની રિક્ષામાં બેસીને કૉર્ટના ધક્કા ખાતો અસીલ બેપગે હાલતો થઈ જાય છે.
* * * * * * *

(
Sunday, 31 January 2016 at 06:30pm)
ઘણા લોકો નિવૃત્ત થાય પણ 58, 60, 62 કે 65 વર્ષના ના થાય તે ના જ થાય!
(58, 60, 62 અથવા 65મું વર્ષ : ભારતની વિવિધ સરકારી અર્ધસરકારી નોકરીઓમાં સામાન્યપણે નિવૃત્તિની ઉંમર)
(28, 29, 30 અથવા 31મી તારીખ : મહિનાનો છેલ્લો દિવસ અને ભારતની વિવિધ સરકારી અર્ધસરકારી નોકરીઓમાં સામાન્યપણે નિવૃત્તિના મહિનાનો છેલ્લો દિવસ)

ગયા મહિને અહીં મુકેલી ડિસેમ્બર – 2015ના પ્રોફાઇલ સ્ટેટસની પોસ્ટ લિંક આ રહી –

..... તેમજ ગત વર્ષોમાં અહીં મુકેલી જાન્યુઆરી – 2011, જાન્યુઆરી – 2012, જાન્યુઆરી – 2013, જાન્યુઆરી – 2014 તેમજ જાન્યુઆરી 2015ના પ્રોફાઇલ સ્ટેટસની પોસ્ટ લિંક અનુક્રમે આ રહી –

http://www.binitmodi.blogspot.in/2013/02/2011.html


(સંબંધિત તસવીરો અને ઇમિજસ : નેટ પરથી)

Friday, January 22, 2016

ફેસબુક : ફન, ફંડાઝ અને ફેક્ટ્સ (ડિસેમ્બર – 2015)

(ડિસેમ્બર – 2015)

સોશિયલ નેટવર્કિંગ સાઇટ પર જે કંઈ લખાય તેના અસ્તિત્વનું માપ સેકન્ડ – મિનિટોથી શરૂ કરીને થોડા કલાકો સુધી લંબાવી શકાય. પછી?...પછી એને ભૂલી જવાનું. આદર્શ વસ્તુસ્થિતિ એને ભૂલી જવામાં જ છે. પરંતુ અહીં બ્લોગની દિવાલ પર તેને કોપી-પેસ્ટ કરવા પાછળના બે આશય છે.
એક તે એનું અસ્તિત્વ થોડા મહિના-માસ લંબાવવાનું અને બીજો તે જેઓ સોશિયલ નેટવર્કિંગ જગતમાં દાખલ નથી થયા અથવા દાખલ થયા પછી દૂર થયા છે તેમના સુધી પહોંચવાનો.
આ રીતે દર મહિને Control ‘A’ – Control ‘C’ – Control ‘V’ની મદદથી રજૂ થવાના વિચારને 2012માં અમલમાં મૂક્યા પછી તેને નિયમિત કરતાં એ ક્રમમાં આ 62મી પોસ્ટ છે.
2010ના વર્ષની એક અને 2011, 2012, 2013 અને 2014ના વર્ષની મહિનાવાર સ્ટેટસ પ્રોફાઇલ પોસ્ટ રજૂ કર્યા પછી પ્રસ્તુત છે હવે ડિસેમ્બર – 2015. જે તે દિવસના વાર, તારીખ અને સમયના ઉલ્લેખ નીચે એ દિવસનું સ્ટેટસ અપડેટ છે.ફેસબુક’ / FACEBOOK પર આવા દરેક સ્ટેટસ અપડેટ સાથે મારું નામ અને કૌંસમાં ગામનું નામ અમદાવાદ’ / Ahmedabad એમ લખતો હોઉં છું પરંતુ અહીં એમ કરવું જરૂરી નથી લાગતું. હા, ડમડમબાબા એ બ્લોગલેખકના અસ્તિત્વનો જ એક ભાગ છે.
આભાર.

(Wednesday, 2 December 2015 at 02:22pm)
ગુજરાતની સ્થાનિક સ્વરાજ્યની ચૂંટણીઓના પરિણામોને સહિષ્ણુબનીને સ્વીકારી ઘરવાપસીકરવી એ એક જ માર્ગ બચ્યો છે.
લિ. ભાજપનો મીસકોલકાર્યકર
* * * * * * *
પંડિત દીનદયાળ ઉપાધ્યાય
(Thursday, 3 December 2015 at 02:55pm)
ભાજપના પૂર્વાશ્રમ એવા જનસંઘના ઉમેદવારોએ પિસ્તાલીસ વર્ષ અગાઉ ચૂંટણી દ્વારા બહુમતીથી બોટાદ નગરપાલિકામાં સત્તાના સૂત્રો સંભાળ્યા ત્યારે પંડિત દીનદયાળ ઉપાધ્યાય મતદાર નાગરિકોનું અભિવાદન કરવા અને પક્ષના કાર્યકરોને બૌધ્ધિક આપવા ભાવનગર જિલ્લાના બોટાદ ગામની મુલાકાતે આવ્યા હતા.
આજે હવે જિલ્લો બની ગયેલા બોટાદની મુલાકાતે ભાજપી કુળના કોઈ નેતા આવે તેમ નથી...કેમ કે...
...બોટાદ નગરપાલિકાની સત્તા જળવાઈ રહી છે પરંતુ જિલ્લા પંચાયત સહિત ગઢડાબરવાળારાણપુર અને બોટાદ તાલુકા પંચાયતમાંથી ભારતીય જનતા પક્ષનો સફાયો થઈ ગયો છે.
* * * * * * *
(Wednesday, 9 December 2015 at 07:40pm)
જાડિયા પાડિયા લોકો ગાડીમાં બેસવાનું કે તેને હંકારવાનું ચાલુ રાખશે ત્યાં સુધી...
...કાર વ્હીલ બૅલન્સિંગ કે વ્હીલ અલાઇનમન્ટના ધંધાને ઊની આંચ આવવાની નથી.
* * * * * * *
વિસ્મય શાહ : અમદાવાદનો અકસ્માતવાળો
(Friday, 11 December 2015 at 07:20pm)
જીવલેણ અકસ્માત સર્જવાના કૉર્ટ કેસમાં નિર્દોષ છૂટેલા સલમાન ખાનના સમાચારનું મને સહેજે આશ્ચર્ય કે વિસ્મય થતું નથી.
લિ. વિસ્મય શાહ (અમદાવાદ હીટ એન્ડ રનકેસનો અન્ડર ટ્રાયલ આરોપી)
* * * * * * *
પંકજ જાડેજાની કાર અને ભાવનગરથી આવતો ‘કાતિલ’
(Tuesday, 15 December 2015 at 08:00pm)
શક્તિસિંહ ગોહિલ પહેલીવાર 1990માં ભાવનગરના કોંગ્રેસી ધારાસભ્ય તરીકે ચૂંટાઈ આવ્યા ત્યારે તેમણે તત્કાલીન મુખ્યમંત્રી ચીમનભાઈ પટેલની સરકાર સમક્ષ અમદાવાદ ભાવનગર રોડને બે માર્ગીકરવાની માગણી દરખાસ્ત વિધાનસભામાં કરી હતી.
પચીસ વર્ષના વહાણા વીતી ગયા પછી 2015ના અંત ભાગમાં લગ્નપ્રસંગે ભાવનગર જઈ રહેલા અમદાવાદના ડેપ્યુટી કલેક્ટર પંકજ જાડેજા સહિતના ચારવ્યક્તિના પરિવારનો માર્ગ અકસ્માતમાં અંત આવી ગયો તોય રસ્તો બેમાર્ગી ન થયો તે ન થયો.
* * * * * * *
(Thursday, 17 December 2015 at 00:20am)
પરિકમ્મા પરિભ્રમણ કરીને દૂબળો પાતળો રહેતો સાધુ વ્યાસપીઠ પર બેસીને કથા કિર્તન કરતો થાય એટલે જાડિયો-પાડિયો થઈ જાય છે.
* * * * * * *
(Saturday, 19 December 2015 at 00:34am)
કચ્છ ધોરડો ટેન્ટ સિટી ખાતે આયોજિત ડીજીપી કૉન્ફરન્સમાં પાસ થયેલો પોલીસના વસિયતનામાનો ઠરાવ
અવસાન સમયે કે બેસણામાં જે સ્વજનો મિત્રો રડે તેને સાંત્વના આપી છાના કરવા...અને...
...જે સ્વજનો મિત્રો ના રડે તેમના માટે ટીઅર ગૅસના શેલ ફોડવા.
* * * * * * *
(Monday, 21 December 2015 at 12:34pm)
ખોટા-અન્યાયી પોસ્ટ પેઇડ મોબાઇલ બિલ સામે ત્રીજા વિશ્વયુદ્ધ કક્ષાની લડત આપી શહીદ થવામાંથી બચી ગયેલા લોકો ચોથું વિશ્વયુદ્ધ મફત વાઇ-ફાઇના પાસવર્ડ માટે કરશે.
* * * * * * *
(Monday, 21 December 2015 at 07:30pm)
કેન્દ્રિય નાણામંત્રી અરૂણ જેટલી અને ગુજરાતના નાણામંત્રી સૌરભ પટેલ બજેટની રજૂઆત કરી લે એ દિવસ સુધી કેલક્યુલેટરમાં ભાગાકારનું બટન / Divided By વાપરવા પર પ્રતિબંધ.
હુકમથીશિવાનંદ ઝા પોલીસ કમિશનર અમદાવાદ શહેર
(સંદર્ભ : ઉત્તરાયણના દિવસે સવાર – સાંજ બે-બે કલાક પતંગ નહીં ચગાવવાનું જાહેરનામું)
* * * * * * *
(Wednesday, 23 December 2015 at 05:30pm)
લિફ્ટમાં ચોંટાડેલા દેવ-દેવીઓના ફોટાના આધારે જો દરજ્જો આપવામાં આવે તો ભારતમાં મંદિરોની સંખ્યામાં ઉછાળો આવે એમ છે.
* * * * * * *
(Thursday, 24 December 2015 at 12:12pm)
અંગત કે ઘરવપરાશની કોઈ ચીજ-વસ્તુ ખરીદીને દુકાનદાર પાસે ઝભલું કે પૉલિથીન બૅગ માંગો તો ધરાર ન મળે...
પણ એ જ વસ્તુની જો ઑન લાઇન ખરીદી કરીએ તો કંપની ટ્રિપલ લેઅર પેકિંગ કરીને ઘર સુધી મોકલી આપે.
(જાગો ઘરાકજાગો : 24 ડિસેમ્બરરાષ્ટ્રીય ગ્રાહક અધિકાર દિવસ)
* * * * * * *
(નાતાલ : Friday, 25 December 2015 at 08:45am)
ભારતીય જનતા પક્ષ એકમાત્ર રાજકીય પક્ષ છે જે ઉંમરમાં પંચોતેર પાર કરી ગયેલા તેના સભ્યોને સાન્તાક્લોઝનો દરજ્જો આપે છે.
જેમ કે અટલ બિહારી વાજપેયીલાલ કૃષ્ણ અડવાણી, જસવંત સિંહ, મુરલી મનોહર જોશી, શાંતા કુમાર અને Our Own કેશુભાઈ પટેલ
* * * * * * *
(Saturday, 26 December 2015 at 05:30am)
પડોશીને ત્યાં લગ્નપ્રસંગે પઠાણીને બદલે અન્ય વસ્ત્રો પહેરીને જવાથી બહુ વટ પડતો નથી.
-     મન્ટો
નોંધ : મન્ટોએ આવું કંઈ કહ્યું નથી. કહે પણ નહીં. આ તો એમના નામે ઠપકારીએ તો આપણો જરા વટ પડે.
નોંધની નોંધ : ભારતના NRI વડાપ્રધાન નરેન્દ્ર મોદીની પાકિસ્તાનની ટૂંકી મુલાકાત અને પાકિસ્તાનના વડાપ્રધાન નવાઝ શરીફના પૌત્રના લગ્નની ઘટનાને ઉપરોક્ત લખાણ સાથે કોઈ નિસબત નથી.
* * * * * * *
(Thursday, 31 December 2015 at 05:45pm)
આજે વર્ષ 2015નો છેલ્લો દિવસ છે અને ગુજરાતી ફિલ્મ છેલ્લો દિવસસિનેમાના સંસ્કારની દ્રષ્ટિએ છેલ્લા પાટલેબેઠેલી ફિલ્મ છે.

ગયા મહિને અહીં મુકેલી નવેમ્બર – 2015ના પ્રોફાઇલ સ્ટેટસની પોસ્ટ લિંક આ રહી –

..... તેમજ ગત વર્ષોમાં અહીં મુકેલી ડિસેમ્બર – 2011, ડિસેમ્બર – 2012, ડિસેમ્બર – 2013 તેમજ ડિસેમ્બર 2014ના પ્રોફાઇલ સ્ટેટસની પોસ્ટ લિંક અનુક્રમે આ રહી –

http://www.binitmodi.blogspot.in/2013/01/2011.html


(સંબંધિત તસવીરો અને ઇમિજસ : નેટ પરથી)