પ્રતિભાવો ઉર્ફે Comments

Monday, May 02, 2016

ફેસબુક : ફન, ફંડાઝ અને ફેક્ટ્સ (એપ્રિલ – 2016)

(એપ્રિલ – 2016)

સોશિયલ નેટવર્કિંગ સાઇટ પર જે કંઈ લખાય તેના અસ્તિત્વનું માપ સેકન્ડ – મિનિટોથી શરૂ કરીને થોડા કલાકો સુધી લંબાવી શકાય. પછી?...પછી એને ભૂલી જવાનું. આદર્શ વસ્તુસ્થિતિ એને ભૂલી જવામાં જ છે. પરંતુ અહીં બ્લોગની દિવાલ પર તેને કોપી-પેસ્ટ કરવા પાછળના બે આશય છે.
એક તે એનું અસ્તિત્વ થોડા મહિના-માસ લંબાવવાનું અને બીજો તે જેઓ સોશિયલ નેટવર્કિંગ જગતમાં દાખલ નથી થયા અથવા દાખલ થયા પછી દૂર થયા છે તેમના સુધી પહોંચવાનો.
આ રીતે દર મહિને Control ‘A’ – Control ‘C’ – Control ‘V’ની મદદથી રજૂ થવાના વિચારને 2012માં અમલમાં મૂક્યા પછી તેને નિયમિત કરતાં એ ક્રમમાં આ 66મી પોસ્ટ છે.
2010ના વર્ષની એક અને 2011થી 2015ના પાંચ વર્ષની મહિનાવાર સ્ટેટસ પ્રોફાઇલ પોસ્ટ રજૂ કર્યા પછી પ્રસ્તુત છે હવે એપ્રિલ2016. જે તે દિવસના વાર, તારીખ અને સમયના ઉલ્લેખ નીચે એ દિવસનું સ્ટેટસ અપડેટ છે.ફેસબુક’ / FACEBOOK પર આવા દરેક સ્ટેટસ અપડેટ સાથે મારું નામ અને કૌંસમાં ગામનું નામ અમદાવાદ’ / Ahmedabad એમ લખતો હોઉં છું પરંતુ અહીં એમ કરવું જરૂરી નથી લાગતું. હા, ડમડમબાબા એ બ્લોગલેખકના અસ્તિત્વનો જ એક ભાગ છે.
આભાર.

ફેસબુક હેડક્વાર્ટર
(Friday, 1 April 2016 at 12:00Noon)
ફેસબુકપર સતત આઠ કલાક લોગ-ઇન રહેનારને નોકરીનો ભાગ ગણી એ દિવસ પૂરતો પગાર જમે આપવામાં આવશે.
તા.ક. આ તો એપ્રિલ ફૂલ છેતેમ માનવું નહીં. જ્યાંથી પગાર મેળવતા હો એ સંસ્થાનું જે-તે દિવસનું કપાત પગારનું અસલ સર્ટી જમે કરાવવાનું રહેશે. તો એ મેળવવા મંડી પડો.
તા.ક.ના તા.ક. બેકારોએ આટલો લાંબો સમય લોગ-ઇન રહેવાનો વ્યર્થ પ્રયત્ન કરવા કરતાં ટ્વિટરપર ટ્રાય કરવાનું સલાહભરેલું છે.
* * * * * * *

(
Monday, 4 April 2016 at 02:22pm)
બૅન્ક કે નાણાકીય સંસ્થાઓ પાસેથી લોન લેવા માટે ઘણા બધા દસ્તાવેજી પુરાવાઓની પ્રમાણિત નકલ (સર્ટિફાઇડ ફોટોકોપી ઝેરોક્ષ) આપવી પડે છે...પરંતુ...
એ જ લોનને NPA / Non Performing Assets જાહેર કરાવવા માટે એક સાદા કાગળ પર અરજી કરવાની રહે છે...
અને ઝેરોક્ષ વાળો મોટે ભાગે એ એક કાગળ મફત આપે છે.
* * * * * * *

(
Wednesday, 6 April 2016 at 01:00pm)
ભારતમાં બે જ રાજકીય પક્ષો છે કૉંગ્રેસ અને કમળ કૉંગ્રેસ
(ભારતીય જનતા પક્ષના 38મા સ્થાપના દિને ડમડમબાબાની વિશેષ રજૂઆત)
* * * * * * *

(
Friday, 8 April 2016 at 10:00am)
સમાચાર : ‘પનામા લિક્સપેપર રિપોર્ટને કારણે દુનિયાભરની સંખ્યાબંધ બેનામી કંપનીઓ વિશે ખુલાસો થયો.
આલિયા ભટ્ટ : રામ ગોપાલ વર્માની જેમ એક જ કંપનીબનાવવાની હોય ને? અઢળક કંપનીઓબનાવીને શું કરવાનું, નંઇ પપ્પા?
* * * * * * *

(
Wednesday, 13 April 2016 at 01:11pm)
દિલ્હી પબ્લિક સ્કૂલ (DPS)ની એક શાખા મહેસાણામાં શરૂ થઈ રહી છે એટલે લાખ બે લાખ રૂપિયાની વાર્ષિક ફી ચૂકવીને મોંઘીદાટ સ્કૂલમાં ભણનારા પટેલ ઠાકોરના પનોતા સંતાનોને અનામતની જરૂર રહેશે નહીં.
લિ. વિદ્યા શાસ્ત્રીનું બાબાસાહેબ આંબેડકરની 126મી જન્મજયંતિ પૂર્વે પૂર્વાનુમાન
સ્પષ્ટતા : ખરેખર હું વિદ્યાશાસ્ત્રી (કે શિક્ષણશાસ્ત્રી) છું નહીં. આ તો મારું નામ-અટક છે.
* * * * * * *

(
Friday, 15 April 2016 at 12:34pm)
બિલ્ડરોના સંઘે જાહેર કર્યું છે કે ફિલ્મો ટી.વી. સિરિઅલોમાં દેખાડે છે એવા મોટા ડ્રોઇંગ રૂમ તો અમારા આર્કિટેક્ટ, એન્જિનિઅર અને કડિયા પણ બનાવી શકતા નથી.
* * * * * * *

(Monday, 18 April 2016 at 01:45pm)
હવે પછી મોબાઇલ ઇન્ટરનેટ પર પ્રતિબંધ મૂકો તો મને (એટલે કે ડોન્ગલને) બાદ રાખજો.
લિ. ડોન્ગલ મંગલ દંગલ કરવાવાળા
* * * * * * *

(
Tuesday, 19 April 2016 at 01:25pm)
સામાન્ય જ્ઞાન શ્રેણી...
ગુજરાતમાં સીઝનનો સર્વપ્રથમ કેસર કેરીનો રસ ક્યાં, ક્યારે અને કોના દ્વારા પીરસવામાં આવે છે?”
તલગાજરડા-મહુવા મુકામે યોજાતા અસ્મિતા પર્વ દરમિયાન યજમાન મોરારિદાસ હરિયાણી દ્વારા.
* * * * * * *

(
Friday, 22 April 2016 at 11:00am)
આજે (22 એપ્રિલ) Earth Day છે.
Earth = એવો અંગ્રેજી શબ્દ જેનો ગુજરાતીમાં અર્થથાય છે...પૃથ્વી.
* * * * * * *

(
Monday, 25 April 2016 at 01:11pm)
નવા નાણાકીય વર્ષના પ્રારંભે એપ્રિલ મહિનામાં બૅન્કોમાં રેલવે સ્ટેશન જેટલી ભીડ હોય છે.
લિ. લોનલાખેશરીબાબા
* * * * * * *
બ્લડ ક્રોસમેચ ચાર્ટ

(
Friday, 29 April 2016 at 09:09am)
કુત્તે કમીને...મૈં તેરા ખૂન પી જાઉંગા...
બ્લડ ક્રોસમેચ કરવાને કા દાક્તરી ધરમભૂલ મત જાના.
લિ. ફ્રોડ ફ્રાઇડે ફિલમ ફાઇનાન્સ કંપનીવાળા
* * * * * * *
                 અમદાવાદ એરબૅટિક્સ શૉ 2016                (*)

(
Saturday, 30 April 2016 at 11:05am)
ગાયોને કહી દેજો ગોધૂલિ ટાણે ગમાણમાં વેળાસર પાછી ફરે...
અમદાવાદના આકાશમાં આજે એરોપ્લેનના એરબૅટિક્સ થવાના છે.
સર્જક કવિ ગોચરની નવી રચના

ગયા મહિને અહીં મુકેલી માર્ચ – 2016ના પ્રોફાઇલ સ્ટેટસની પોસ્ટ લિંક આ રહી –

..... તેમજ ગત વર્ષોમાં અહીં મુકેલી એપ્રિલ2011, એપ્રિલ2012, એપ્રિલ2013, એપ્રિલ2014 તેમજ એપ્રિલ 2015ના પ્રોફાઇલ સ્ટેટસની પોસ્ટ લિંક અનુક્રમે આ રહી –

http://www.binitmodi.blogspot.in/2013/05/2011.html


(* નિશાની વાળી તસવીર : બિનીત મોદી, એ સિવાયની સંબંધિત તસવીરો અને ઇમિજસ : નેટ પરથી)

Wednesday, April 20, 2016

માહિતી – સાલવારીનું ભૂલભરેલું ‘યુગદર્શન’


ગુજરાતના જાહેરજીવનના ચોક્કસ સમયગાળા માટે જેમના નામ-કામની નોંધ લેવી અનિવાર્ય ગણાય તેવા વકીલ કૃષ્ણકાંત વખારીઆના / Krishnakant Vakharia પુસ્તક ‘યુગદર્શન’ / Yugdarshan વિશે ‘નિરીક્ષક’માં વાંચ્યું. પછી એ પુસ્તક પણ જોવાનું થયું. આ પ્રકારનાં સંભારણાં જાહેર જીવનને લગતા દસ્તાવેજોની અછતમાં ઉપયોગી નીવડી શકે છે, જો તેમાં માહિતીની ખરાઈની ચીવટ જળવાઈ હોય તો. દુર્ભાગ્યે આ પુસ્તકમાં સામાન્ય વિગતો-સાલવારીની ગંભીર ભૂલો ઠેર ઠેર જોવા મળે છે, જે પુસ્તકની સામગ્રીની એકંદર વિશ્વસનીયતા માટે હાનિકારક છે.

જેમ કે ભારતના રાજકારણમાં યુવાનોના પ્રવેશ, ઈન્દિરા ગાંધી, રાજીવ ગાંધી, સંજય ગાંધી, મેનકા ગાંધી અને વરૂણ ગાંધી જેવા અલગ-અલગ અડધો ડઝન સંદર્ભે વિગત તપાસો, તો જાણવા મળે કે જૂન 1980માં એક વિમાન અકસ્માતમાં સંજય ગાંધીની / Sanjay Gandhi અણધારી વિદાય થઈ. છતાં આ પુસ્તકમાં સંજય ગાંધીનું અવસાન વર્ષ 1982 દર્શાવ્યું છે. (પાનું 318) ‘ઑપરેશન બ્લુ સ્ટાર’ / Operation Blue Star નામથી થયેલી અતિ જાણીતી લશ્કરી કાર્યવાહીને અહીં ‘Operation Blue’ અને ‘બ્લુ ઑપરેશન’ તરીકે ઓળખાવાઈ છે. (પાનું 318 અને 320)

જનસંઘના વસંત ગજેન્દ્ર ગડકર / Vasant Gajendra Gadkar સાથેના સ્નેહસંભારણા આલેખતા કૃષ્ણકાંતભાઈ તેમની વ્યવસાયી વકીલ તરીકેની કારકિર્દીના પ્રારંભિક ગાળા માટે લખે છે કે, ભારતીય જનસંઘની / Bhartiya Jan Sangh એક પિટિશનમાં ગડકરે ભૂલથી તેમનું (એડવોકેટ વખારીઆનું) વકીલાતનામું દાખલ કરેલું. (પાનું 168) સવાલ એ થાય કે આવું બને કેવી રીતે? કેમ કે જે-તે કોર્ટકેસના સંદર્ભે દાખલ થતા વકીલાતનામા પર વકીલની સહી હોય છે. આવી ભૂલ જો થઈ હોય તો પણ આ એક જ મુદ્દા પર ભાવિ રાજકીય કારકિર્દી પૂર્ણપણે રોળાઈ ગઈ તેવો લેખકનો દાવો વધારે પડતો છે.

પ્રકરણ 43થી 47 (પાનું 220થી 244)ના પચીસ પાનામાં કૉંગ્રેસના નેતા – ખજાનચી શ્રી દીક્ષિતજી તરીકે વારંવાર ઉલ્લેખ પામતી વ્યક્તિ ઉમાશંકર દીક્ષિત / Uma Shankar Dikshit છે તેવી સ્પષ્ટતા માત્ર એક જ વાર, એ પણ શરૂઆતના પાને (પાનું 222) થાય એ અધૂરી ઓળખ આપ્યા જેવું લાગે છે. બીજું કે જ્યારે પુસ્તક 2016માં પ્રકાશિત થતું હોય ત્યારે તો ઉત્તરપ્રદેશના દિવંગત નેતા ઉમાશંકર દીક્ષિત દિલ્હીના પૂર્વ મુખ્યમંત્રી શીલા દીક્ષિતના / Sheila Dikshit સસરા થતા હતા એવો ઓળખ ઉલ્લેખ અનિવાર્ય તો નહીં પણ જરૂરી તો બને જ છે. વાંચન – સમજને સરળ બનાવતા આવા સંદર્ભોની ‘યુગદર્શન’ પુસ્તકમાં સદંતર ગેરહાજરી કઠે તેવી છે.

ચુસ્ત સંપાદનના અભાવે પુસ્તકમાં ખટકે એવું પુનરાવર્તન પણ વારંવાર જોવા મળે છે. જેમ કે વિશ્વનાથ પ્રતાપસિંહના / Vishwanath Pratap Singh વડાપ્રધાનપદના પહેલા દિવસથી લઇને તેમના અનુગામી બનેલા ચંદ્રશેખરના / Chandra Shekhar આ પદ પામવાના – ટકાવી રાખવાના સત્તાકીય સંઘર્ષકાળનું એકસરખું વર્ણન બે જુદા – જુદા પ્રકરણોમાંથી મળે છે. આ બે પ્રકરણ, 65મું ‘કેન્દ્રમાં મિશ્ર લૂલી સરકારો’ (પાનું 345) અને 70મું ‘શ્રી ચંદ્રશેખર સાથેનાં સંભારણાં’ (પાનું 378) વચ્ચે માત્ર ‘પરિશિષ્ટ’નો જ તફાવત છે. આવા દાખલા ગુજરાતનું રાજકારણ – સત્તાકારણ આલેખતા પ્રકરણોમાં પણ જોવા મળે છે.

નામો આગળથી ‘શ્રી’ ‘શ્રીમતી’ ટાળી શકાય એવાં હતાં છતાં એ વાપરવાં જ હોય તો જરા વધારે ચીવટ રાખવા જેવી હતી. કારણ કે ભિંદરાનવાલેના નામ આગળ પણ ‘શ્રી’ લાગી ગયું છે. (પાનું 320)

આ પુસ્તકમાં (બીજી આવૃત્તિમાં) સુધારા અશક્ય લાગે તો, પ્રસ્તાવનામાં જણાવ્યા પ્રમાણે લેખકનાં આગામી બે પુસ્તકોમાં આ પ્રકારની પ્રાથમિક ભૂલોનું પુનરાવર્તન ન થાય અને ગુજરાતના જાહેર જીવન વિશેની પ્રમાણભૂત વિગતો જાણવા મળે એવી અપેક્ષા રાખી શકાય.

(યુગદર્શન, લેખક: કૃષ્ણકાંત વખારીઆ, પ્રકાશક: પ્રવીણ પબ્લિકેશન, રાજકોટ, પાનાં સંખ્યા: 480, કિંમત રૂપિયા 850/-, પ્રથમ આવૃત્તિનું વર્ષ 2016, ISBN : 978 – 93 – 81462 – 83 – 6)


(નોંધ: કર્મશીલ પત્રકાર-લેખક પ્રકાશ ન. શાહના તંત્રીપદે તેમજ વિપુલ કલ્યાણી અને કેતન રૂપેરાના સંપાદન સહાય હેઠળ પ્રકાશિત થતા વિચારપત્ર પાક્ષિક ‘નિરીક્ષક’ના 16 એપ્રિલ 2016 ના અંકમાં ‘કહું, મને કટેવ’ વિભાગ તળે ઉપરોક્ત પુસ્તક પરિચય પ્રકટ થયો હતો.)

Saturday, April 16, 2016

ફેસબુક : ફન, ફંડાઝ અને ફેક્ટ્સ (માર્ચ – 2016)

(માર્ચ – 2016)

સોશિયલ નેટવર્કિંગ સાઇટ પર જે કંઈ લખાય તેના અસ્તિત્વનું માપ સેકન્ડ – મિનિટોથી શરૂ કરીને થોડા કલાકો સુધી લંબાવી શકાય. પછી?...પછી એને ભૂલી જવાનું. આદર્શ વસ્તુસ્થિતિ એને ભૂલી જવામાં જ છે. પરંતુ અહીં બ્લોગની દિવાલ પર તેને કોપી-પેસ્ટ કરવા પાછળના બે આશય છે.
એક તે એનું અસ્તિત્વ થોડા મહિના-માસ લંબાવવાનું અને બીજો તે જેઓ સોશિયલ નેટવર્કિંગ જગતમાં દાખલ નથી થયા અથવા દાખલ થયા પછી દૂર થયા છે તેમના સુધી પહોંચવાનો.
આ રીતે દર મહિને Control ‘A’ – Control ‘C’ – Control ‘V’ની મદદથી રજૂ થવાના વિચારને 2012માં અમલમાં મૂક્યા પછી તેને નિયમિત કરતાં એ ક્રમમાં આ 65મી પોસ્ટ છે.
2010ના વર્ષની એક અને 2011થી 2015ના પાંચ વર્ષની મહિનાવાર સ્ટેટસ પ્રોફાઇલ પોસ્ટ રજૂ કર્યા પછી પ્રસ્તુત છે હવે માર્ચ2016. જે તે દિવસના વાર, તારીખ અને સમયના ઉલ્લેખ નીચે એ દિવસનું સ્ટેટસ અપડેટ છે.ફેસબુક’ / FACEBOOK પર આવા દરેક સ્ટેટસ અપડેટ સાથે મારું નામ અને કૌંસમાં ગામનું નામ અમદાવાદ’ / Ahmedabad એમ લખતો હોઉં છું પરંતુ અહીં એમ કરવું જરૂરી નથી લાગતું. હા, ડમડમબાબા એ બ્લોગલેખકના અસ્તિત્વનો જ એક ભાગ છે.
આભાર.

(Tuesday, 1 March 2016 at 01:00pm)
સામાન્ય બજેટમાં SUV મોંઘી થવાના કારણે NGOના અસામાન્ય સંચાલકોની મુશ્કેલીઓ વધવાની છે. ફોર્ડ ફાઉન્ડેશનના ફંડનો નળ પણ બંધ હાલતમાં છે.
SUV = Sports Utility Vehicle / મોંઘીદાટ ગાડી
NGO = Non-Government Organization / બિનસરકારી સ્વયંસેવી સંસ્થા
* * * * * * *
સ્મૃતિ ઇરાની : સૌથી ઓછું ભણેલા શિક્ષણપ્રધાન

(
Thursday, 3 March 2016 at 05:00pm)
સ્મૃતિ ઇરાનીની સ્પીચ સંસદ સંગ્રહાલયમાં સાચવવી કે ફિલ્મ આર્કાઇવ્ઝને મોકલી આપવી?એવી લોકસભા રાજ્યસભા સચિવાલયની મૂંઝવણનો ઉકેલ આવી ગયો છે...
...લાઈ ડિટેક્ટર ટેસ્ટ થવાનો છે.
* * * * * * *
અદનાન સામી : હલકા-ફુલકા

(
Monday, 7 March 2016 at 11:00am)
ભૌતિકશાસ્ત્રનું તદ્દન નવું અને ચોંકાવનારું સંશોધન...
ગાયક અદનાન સામીને ભારતીય નાગરિકત્વ આપવાના કારણે ભારતના કુલ વજનમાં વૃધ્ધિ નોંધાઈ છે...પરંતુ એ જ સમયગાળામાં ગુજરાતના નાણાં મંત્રી સૌરભ પટેલની બૅરિઆટ્રિક સર્જરી થઈ હોવાને કારણે ગુજરાતના કુલ વજનમાં ઘટાડો પણ નોંધાયો છે.
* * * * * * *

(
Tuesday, 8 March 2016 at 09:00pm)
આંતરરાષ્ટ્રીય મહિલા દિનની ઉજવણી ભારતમાં સોના-ચાંદી અને જર-ઝવેરાતના વેપારીઓની હડતાળને કારણે પહેલી જ વાર સંપૂર્ણ સફળતાપૂર્વક થઈ શકી.
* * * * * * *

(
Thursday, 10 March 2016 at 03:33pm)
સમાચાર : ભારત છોડીને ભાગી ગયેલા બૅન્કોના દેવાદાર વિજય માલ્યાના 515 કરોડ રૂપિયા ફ્રીઝ કરવામાં આવ્યા.
આલિયા ભટ્ટ : આટલી મોટી રકમ ફ્રીઝમાં મુકાતી હશે? કોલ્ડ સ્ટોરેજમાં જ મુકવી જોઇએને.
* * * * * * *
રમણ પાઠક
જન્મ : 22 જુલાઈ 1922 (રાજગઢ, પંચમહાલ જિલ્લાનું ગામ)
અવસાન : 12 માર્ચ 2015 (બારડોલી, સુરત જિલ્લો)

(
Monday, 14 March 2016 at 07:00pm)
રમણભ્રમણ સુવર્ણચંદ્રકના આ વર્ષના વિજેતા પ્રેમ સુમેસરાને ગઇકાલે 13મી માર્ચે એવોર્ડ અપાયા પછી સન્માનની આયોજક સુરતની સત્ય શોધક સભાએ બે ઇ-મેલ મોકલી આપી છે.
એકમાં 75 અને બીજીમાં 92 એમ કુલ્લે મળીને 167 ફોટામાં હું સત્ય, પ્રેમ સુમેસરા અને રમણ પાઠક જીંદગી ધરીને જે શીખવવા મથતા રહ્યા એ રેશનાલિઝમને શોધી રહ્યો છું.
* * * * * * *

(
Tuesday, 15 March 2016 at 03:00pm)
આંતરરાષ્ટ્રીય મહિલા દિવસ (8મી માર્ચ) અને આંતરરાષ્ટ્રીય ગ્રાહક અધિકાર દિવસ (15મી માર્ચ) બન્ને એક જ મહિનામાં આવે છે ત્યારે...
સમય આવી પુગ્યો છે કે માથાના વાળ કપાવવા જેવી એક જ પ્રકારની ગ્રાહક સેવા માટે બહેનો પાસેથી વધુ અને ભાઈઓ પાસેથી સરખામણીએ લેવામાં આવતા ઓછા ચાર્જિસ જેવી અન્યાયી બાબત માટે ગ્રાહક મહિલાઓ અવાજ ઉઠાવે.
* * * * * * *

(
Wednesday, 16 March 2016 at 07:00am)
ગુજરાતની હોસ્પિટલોમાં દાખલ દર્દીની સારવાર દિવસે ભારતના હવાલે હોય છે અને રાત્રે રશિયા મલેશિઆના ભરોસે થાય છે...
...કેમ કે રશિયા - મલેશિઆમાં એમ.બી.બી.એસ ભણીને આવેલા ડૉક્ટરો નાઇટ શિફ્ટ દરમિયાન ફરજ બજાવે છે.
તા.ક. વિકલ્પે દર્દીની અથવા બન્નેની બૅન્ડ બજાવે છે એમ પણ લખી શકાય.
* * * * * * *
બપ્પી લાહિરી : પ્રમુખ, બંગાળી સોની સમાજ

(
Thursday, 17 March 2016 at 12:12pm)
છેલ્લા પંદર દિવસથી અમે હડતાળ પર છીએ પરંતુ તાકીદના સંજોગોમાં સોનુ ખરીદવા માટે આપ બપ્પી લાહિરીનો સંપર્ક કરી શકો છો.
લિ. ઝવેરી મહામંડળ, ભારત (ગ્રાહકોના હિતમાં જાહેરાત)
* * * * * * *

(
Saturday, 19 March 2016 at 10:45am)
ગાયને રખડતી મૂકી દો છો...કોથળીઓના ડૂચે-ડૂચા ચાવી ગઈ છે. દવા કરવી પડશે.’ (ઢોરોના ડૉક્ટરનું નિદાન)
બાપુ, એમને કહો મેં ફૂડ ગ્રેડ કોથળીઓ જ ચાવી છે.’ (દર્દીનું પાલકની હાજરીમાં તબીબ જોગ બયાન)
* * * * * * *

(
Monday, 21 March 2016 at 08:40am)
પંજાબમાં તો ક્યાંય ગુજરાતી થાળીની તક્તી નથી...
હે ગુજરાત તારી પંજાબીસબ્જીની સખાવતને સલામ...
(મૂળ ગુજરાતી કવિ ધૂની માંડલિયાનો શેર થોડા પંજાબી તડકા મારકે)
(વિશ્વ કવિતા દિવસ : 21 માર્ચ)
* * * * * * *

(
Tuesday, 22 March 2016 at 10:30am)
મોંઘવારી, રોજિંદી સમસ્યાઓને કારણે ભલે રોજની લાગતી હોય પણ સત્તાવાર રીતે હોળીઆજે 22મી માર્ચે છે.
* * * * * * *

(
Wednesday, 23 March 2016 at 12:34pm)
હોળી ધૂળેટીના દિવસો છે, ધાણી ખાવાનો મહિમા છે. ખાજો...શિયાળામાં જામી ગયેલો કફ દૂર થશે. તમારી વાત ખોંખારીને કહી શકશો જેની ભારત જેવા દેશમાં અત્યારે અને કોઈ પણ સમયે વધારે જરૂર હોય છે.
લિ. ચરક ઋષિ અને વૈદ્ય લાભશંકર જાદવજી ઠાકર
(નોંધચરક ઋષિ કે વૈદ્ય લાભશંકર જાદવજી ઠાકરએ આવું કંઈ કહ્યું નથી. કહે પણ નહીં. કહે તો કોઈ સાંભળે પણ નહીં. આ તો જરી એમના નામે ઠપકાર્યું હોય તો આપણી વાત ચાલી જાય.)
* * * * * * *

(
Thursday, 24 March 2016 at 05:45pm)
રંગોનો અણગમો, ચામડીની એલર્જી જેવા કારણોસર કે પાણી બચાવો ઝૂંબેશ અથવા તિલક હોળીની વાતોમાં આવી જઇને ધૂળેટી રમી નહીં શકેલાને ફેસબુકફોટો મુકવા રંગીન મેક અપ કરી આલવામાં આવહે.
* * * * * * *

(Friday, 25 March 2016 at 10:50am)
શેઠજી, મારા શેઠે માલના રૂપિયા મંગાવ્યા છે.
જા...જઇને તારા શેઠને કહેજે કે હમણાં સગવડ નથી.
તો એટીએમ આલો.
ડમડમબાબા ડાયલૉગ સિરીઝ.....
* * * * * * *

(
Sunday, 27 March 2016 at 05:20am)
ગુજરાતી નાટકોના શૉ આયોજક જ્ઞાતિમંડળો રંગભૂમિ માટે વેન્ટીલેટર સમાન છે.
(વિશ્વ રંગભૂમિ દિવસ : 27 માર્ચ)
* * * * * * *

(
Monday, 28 March 2016 at 11:30am)
સોના-ચાંદીના વેપારીઓની હડતાળની સીધી અસર વૈદોને થઈ છે...
સુવર્ણવસંતમાલતીનું ઉત્પાદન બંધ છે.
* * * * * * *
પદ્મ સન્માન શ્રેણી

(
Tuesday, 29 March 2016 at 12:34pm)
રાષ્ટ્રપતિ, વડાપ્રધાન, રાજ્યપાલો અને રાજકારણીઓની તબિયતની કાળજી લેતા ડૉક્ટરોને પદ્મશ્રેણીના સન્માનની નવાજેશ થાય છે ત્યારે...
જાણ્યે અજાણ્યે પણ...બાળરોગ વિશેષજ્ઞ (પીડિએટ્રિશન / Paediatrician) અને માનસચિકિત્સક (સાઇકાયટ્રિસ્ટ / Psychiatrist)ને અન્યાય થઈ જાય છે.
* * * * * * *
નેનો – ઇનોવા

(
Thursday, 31 March 2016 at 11:15am)
ઘણા લોકો એવું માને છે કે નેનો કાર સાથે સાઇડકાર ફીટ કરાવી દઇએ તો તેને ઇનોવાકહી શકાય.

ગયા મહિને અહીં મુકેલી ફેબ્રુઆરી – 2016ના પ્રોફાઇલ સ્ટેટસની પોસ્ટ લિંક આ રહી –
..... તેમજ ગત વર્ષોમાં અહીં મુકેલી માર્ચ – 2011, માર્ચ – 2012 (બે ભાગમાં), માર્ચ – 2013, માર્ચ – 2014 તેમજ માર્ચ 2015ના પ્રોફાઇલ સ્ટેટસની પોસ્ટ લિંક અનુક્રમે આ રહી –

http://www.binitmodi.blogspot.in/2013/04/2011.html



(સંબંધિત તસવીરો અને ઇમિજસ : નેટ પરથી)