પ્રતિભાવો ઉર્ફે Comments

Saturday, June 22, 2013

ફેસબુક : ફન, ફંડાઝ અને ફેક્ટ્સ (મે – 2011)


(મે – 2011)
સોશિયલ નેટવર્કિંગ સાઇટ પર જે કંઈ લખાય તેના અસ્તિત્વનું માપ સેકન્ડ – મિનિટોથી શરૂ કરીને થોડા કલાકો સુધી લંબાવી શકાય. પછી?...પછી એને ભૂલી જવાનું. આદર્શ વસ્તુસ્થિતિ એને ભૂલી જવામાં જ છે. પરંતુ અહીં બ્લોગની દિવાલ પર તેને કોપી-પેસ્ટ કરવા પાછળના આશય માત્ર બે જ છે.
એક તે એનું અસ્તિત્વ થોડા મહિના-માસ લંબાવવાનું અને બીજો તે જેઓ સોશિયલ નેટવર્કિંગ જગતમાં દાખલ નથી થયા તેમના સુધી પહોંચવાનો.
આ રીતે દર મહિને Control ‘A’ – Control ‘C’ – Control ‘V’ની મદદથી રજૂ થવાનો વિચાર છે. આનો અમલ કરવાની કોઈ નિશ્ચિત તારીખ નથી તેમ આ ક્યાં સુધી ચલાવવું તે ય નિશ્ચિત નથી. હા, પ્રતિભાવ – કમેન્ટસ્ એ નક્કી કરવામાં ચોક્કસ મદદરૂપ થશે.
એ રીતે મે – 2013 અને 2012ના સ્ટેટસ અપડેટ આ મહિનાના પ્રારંભે અહીં મુક્યા પછી હવે પ્રસ્તુત છે 2011ના આ સમયગાળાના પ્રોફાઇલ સ્ટેટસ. જે તે દિવસના વાર, તારીખ સમયના ઉલ્લેખ નીચે એ દિવસનું સ્ટેટસ અપડેટ છે. ફેસબુક’ / FACEBOOK પર આવા દરેક સ્ટેટસ અપડેટ સાથે મારું નામ અને કૌંસમાં ગામનું નામ અમદાવાદ’ / Ahmedabad એમ લખતો હોઉં છું પરંતુ અહીં એમ કરવું જરૂરી નથી લાગતું.
આભાર.

(Thursday, 5 May 2011 at 03:21pm)
Know each and everything about GUJARAT and GUJARATI People by login to www.gujaratquiz.in
An initiative by Writer - Journalist and a Creative Personality Pranav Adhyaru with Education Department of Government of Gujarat.
* * * * * * *

(Friday, 6 May 2011 at 04:57pm)
અમદાવાદથી પ્રકાશિત થતું ટેબ્લોઈડ મેટ્રો સમભાવ રવિવારે પ્રગટ થતું નથી. પહેલી મે 2011ને રવિવારે આયોજિત ગુજરાત સરકારના સ્વર્ણિમ સમાપન કાર્યક્રમમાં લોકોને આવકારતી જાહેરાત આ અખબારે બીજે દિવસે સોમવારે બીજી મેના રોજ છાપી. આને આપણે TG સ્કેમ કહીશું. TG એટલે Tabloid Gujarati Scam.
* * * * * * *

મહેન્દ્રસિંહ ટિકૈત
ઝૈલસિંહ
(Saturday, 21 May 2011 at 01:48pm)
હોસ્પિટલના એક જ વોર્ડમાં સારવાર લઈ રહેલા કિસાન નેતા મહેન્દ્રસિંહ ટીકાયત પૂર્વ રાષ્ટ્રપતિ જ્ઞાની ઝૈલસિંહને ઓળખી શક્યા નહોતા. આ પ્રસંગ1988 – 1989 આસપાસનો છે જયારે ટીકાયતની આગેવાનીમાં કિસાન આંદોલન ચાલતું હતું અને ઝૈલસિંહને રાષ્ટ્રપતિ પદેથી નિવૃત્ત થયે એકાદ વર્ષ માંડ વીત્યું હતું. (ટીકાયતના હમણાં થયેલા અવસાન સંદર્ભે જૂની એક વાતની યાદ)
* * * * * * *

અમેરિકી પ્રમુખની કારનો દસ ફૂટ ઊંચો દરવાજો?
(Tuesday, 24 May 2011 at 03:14pm)
સલામતી સુરક્ષાના ઉચ્ચતમ માપદંડો ધરાવતી અમેરિકી પ્રમુખની કાર 'The Beast' સંદર્ભે આજે પ્રગટ થયેલા સમાચાર.
આ કારના દરવાજામાં દસ ઇંચ જાડાઈના બુલેટપ્રૂફ કાચ ફીટ કરવામાં આવ્યા છે. (ગુજરાત સમાચાર)
આ કારમાં દસ ફૂટ ઊંચા બુલેટપ્રૂફ દરવાજા બેસાડવામાં આવ્યા છે. (દિવ્ય ભાસ્કર)
દિવ્ય ભાસ્કરના સાહેબો, પેસેન્જર કારમાં લગાવવાનો દસ ફૂટ ઉંચો દરવાજો ક્યાં મળે છે? જરા તપાસ તો કરો યાર.
* * * * * * *

કબીરવડ : વડવાઈઓ એટલી જોડણી
(Thursday, 26 May 2011 at 06:42pm)
ગુજરાતના પ્રવાસન સ્થળ કબીરવડને કેન્દ્ર સરકારના પર્યટન મંત્રાલય દ્વારા વિકસાવવા અંગે 25મી મે 2011ના રોજ પ્રગટ થયેલી જાહેરખબરમાંના જુદા જુદા ત્રણ શબ્દો.
કબીરવડ (ગુજરાત સમાચાર)
કબિરવડ (સમભાવ મેટ્રો)
કબિરવાદ (દિવ્ય ભાસ્કર)
દિવ્ય ભાસ્કરના સાહેબો, ગુજરાતમાં આ કબિરવાદ ક્યાં આવ્યું છે એ તો કહો. જરા તપાસ તો કરો યાર.
* * * * * * *

જવાહરલાલ નેહરૂ
ડૉ. મનમોહન સિંહ
(Friday, 27 May 2011 at 06:53pm)
1947માં ભારતના પ્રથમ વડાપ્રધાનપદે આરૂઢ થયેલા જવાહરલાલ નેહરુના અવસાન (27મે 1964)ને આજે 47વર્ષ પુરા થયા. હાલના 14મા વડાપ્રધાન ડૉ. મનમોહનસિંહ 1947માં 15 વર્ષના હતા.
* * * * * * *

(Tuesday, 31 May 2011 at 07:06pm)
બેટરીથી ચાલતું વાહન ખરીદો ચલાવો, પણ હવા ભરાવવા માટે તો પેટ્રોલ પંપ પર જ જવું પડે.

અગાઉ આ મહિને અહીં મુકેલી મે – 2013 તેમજ મે – 2012ના પ્રોફાઇલ સ્ટેટસની પોસ્ટ લીંક અનુક્રમે આ રહી – http://www.binitmodi.blogspot.in/2013/06/2013.html


(સંબંધિત તસવીરો અને ઇમિજસ
: નેટ પરથી)

4 comments:

  1. We all little educated people, who represent a margin of Indian Society, have some double responsibilties to think, ponder, write, suggest our co-citizens to discuss about a forum of common program, how to reduce the 'line of our margin.

    Is it we are afraid of delivering goods within us. We should not fear in delivering the goods within us to society.

    Let us study, think which issues affects and develop our society in daily life, education, politics, journalism, social justice, infrastructure.

    And monitor our behaviour so that Political Parties may not create their agendas on our issues as their shops are shining on the issues of people living in margin of Indian polity.

    Thanks and please excuse for my harsh pen.

    Regards

    Unknown

    ReplyDelete
  2. Sumant Vashi alias Dadu Chicago (USA)28 June 2013 at 14:15

    ભાઈશ્રી બિનીતભાઈ,
    ખાંખાખોળામા સારી વસ્તુ પણ હરતાંફરતાં જોવામાં આવતી તો હશે જ. એને પણ અમારા જેવા વાંચકો માટે સાથે સાથે મુકો તો પલ્લુ સરભર રહે. કેમ લાગે છે?
    સુમંત વશી ઉર્ફે દાદુ શિકાગો (અમેરિકાથી)

    ReplyDelete
  3. સૌ મિત્રો,
    બ્લોગની 68મી પોસ્ટ (22 જૂન 2013)ના વાચન / પ્રતિભાવ માટે આભારી છું.

    બિનીત મોદી (અમદાવાદ) / ગુરૂવાર, 8 ઑગસ્ટ 2013

    ReplyDelete
  4. પ્રિય મિત્રો,
    બ્લોગ ‘હરતાંફરતાં’ને સવા બે વર્ષ પૂર્ણ થયા.
    68મી પોસ્ટનો પહેલા વર્ષનો રીડર સ્કોર છે : 22-06-2013 to 22-06-2014 – 200

    બિનીત મોદી (અમદાવાદ)

    ReplyDelete